Rossiyalik deputat Jo Baydenni davolanish uchun Qrimga kelishga taklif qildi

Rossiya davlat dumasi deputati Mixail Sheremet AQSH prezidenti Baydenni davolanish uchun Qrimga kelishga taklif qildi.

"Menimcha, Qo‘shma Shtatlarda Baydenni shunchaki masxara qilishadi. Biz undan jiddiy xavotirdamiz. Ishonchim komilki, unda to‘plangan tajovuz surunkali bezovtalik bilan bog‘liq bo‘lib, amerikalik targ‘ibotchilar buni yashirishga qanchalik harakat qilishmasin, televizor ekranlarida yaqqol aks etadi. Bayden Qrimga davolanish uchun kelishi mumkin. Rossiyada toza havo, zamonaviy tibbiy jihozlar va eng yaxshi shifokorlar bor”, — dedi Sheremet.

Uning so‘zlariga ko‘ra, AQSH prezidentiga katta vakolatlar berilgan va yadroviy qurolga ega, shuning uchun butun dunyo uning aqli rasoligidan manfaatdor.

"Afsuski, Baydenning atrofidagilar uni nazorat qilish mumkin bo‘lgan qo‘g‘irchoq sifatida ishlatishadi. Butun dunyo manfaati uchun puxta o‘ylangan qarorlar qabul qiladigan odamning aqli raso bo‘lishi kerak. Buning uchun davolanish zarur. Ammo Baydenning atrofidagilar bunga yo‘l qo‘ymaydi”, — deb ta’kidladi deputat.