Qirg‘iziston prezidenti Sadir Japarov 16-iyun kuni Falastin prezidenti Mahmud Abbos bilan uchrashdi. Bu haqda “AKIpress” xabar berdi.
Mahmud Abbos Respublikaga tashrifi oldidan Pekinda Si Szinpin bilan uchrashgandi. Uchrashuvda Xitoy rahbari Isroil—Falastin konfliktini hal qilish bo‘yicha uchta taklif bergandi.
Sadir Japarov va Mahmud Abbos ikki tomonlama hamkorlikning dolzarb masalalari va qo‘shma hamkorlikni rivojlantirishni muhokama qilgan. Qirg‘iziston qardosh Falastin davlati bilan do‘stona munosabatlarni rivojlantirish va o‘zaro manfaatli sohalarda hamkorlikni mustahkamlashdan manfaatdor ekani aytilgan.
Japarov Qirg‘iziston arab dunyosi bilan o‘zaro hamkorlikni mustahkamlashga intilayotgani va xalqaro maydonda hamisha Falastinni qo‘llab-quvvatlab kelayotganini taʼkidladi. Buning bir qismi sifatida Qirg‘iziston Falastin bilan BMT va Islom hamkorlik tashkiloti platformalarida hamkorlikni rivojlantirishga alohida eʼtibor qaratmoqda.
Bundan tashqari, Japarov Falastin tashqi ishlar vaziri Riyod Al-Malikiyning avgust oyiga mo‘ljallangan Qirg‘izistonga rasmiy tashrifini yuqori baholagan.
Mahmud Abbos samimiy qabul uchun minnatdorlik bildirib, Qirg‘iziston Falastin uchun qardosh va do‘st davlat ekanini aytdi.
Bundan tashqari, Mahmud Abbos Falastin Qirg‘izistonda o‘z elchixonasini ochishga va Falastin xalqaro hamkorlik agentligini Qirg‘iziston tomoni bilan aloqa o‘rnatishga tayyorligini bildirgan.
Izoh (0)