Yerni o‘rtacha darajadagi magnit bo‘roni qopladi. Bu haqda The Watchers nashri xabar berdi.
Ma’lum qilinishicha, Quyoshning teshikli hududi (Quyoshdagi qorong‘i hududlar — past haroratli va zich plazmali bo‘lib, “toj teshiklari” deb ataladi) Yer tomon burilgan, undan yuqori tezlikdagi oqim ajralib, sayyora tomon yo‘nalgan.
G1 toifasidagi magnit bo‘ronining birinchi ta’siri 15-iyun kuni sezilgan va hozirda (16-iyun) u G2 darajaga qadar kuchaygan. 17-iyun kuni ham uning faolligi saqlanib qolishi, 18-iyunga kelib esa magnit bo‘roni taʼsiri zaiflashishi kutilmoqda.
Iyun oyidagi magnit bo‘ronlari
Yaqin kunlarda Yerni kuchli magnit bo‘roni qoplashi prognoz qilingan. U ketma-ket uch kun: 18-iyundan 20-iyungacha davom etadi. Uning kuchi 5 ball bo‘lishi kutilmoqda, bu esa uni iyundagi eng kuchli magnit bo‘roniga aylantiradi. Shundan so‘ng, 30-iyunda quyosh faolligi yana kuchayishi mumkin.
Magnit bo‘ronlari hatto o‘rta kuchga ega bo‘lsa ham, inson salomatligiga salbiy ta’sir ko‘rsatadi
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ratsiondan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.
Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.
Izoh (0)