Канаданинг Манитоба провинцияси жануби-ғарбидаги Карбери шаҳрига яқин Транс-Канада магистралида автобус ва юк машинаси тўқнашиб кетди. Оқибатида 15 киши ҳалок бўлди, 10 киши жароҳат олди. Бу ҳақда CTV телеканали хабар бермоқда.
Ярадорлар турли тан жароҳатлари билан касалхонага ётқизилган. Воқеа жойида теркширув олиб борилмоқда, деди Канада Қироллик отлиқ полициясининг Манитоба бўлими Twitterъда. Улар автобусда қариялар бўлганини, юк машинаси унга келиб урилиши оқибатда ЙТҲ содир бўлганини таъкидлади.
Канада бош вазири Жастин Трюдо автомобилларнинг тўқнашувини фожиали ҳодиса деб атади. У яқинларини йўқотганларга ҳамдардлик билдирди ва “жабрланганлар қандай оғриқни бошдан кечираётганини тасаввур қила олмаслигини қўшимча қилди. “Аммо канадаликлар сиз билан”, — деб таъкидлади бош вазир.
Аввал Канаданинг Humboldt Broncos ёшлар хоккей жамоаси автобуси билан юк машинаси тўқнашиб кетган эди, оқибатда 14 киши ҳалок бўлган ва яна 14 киши касалхонага ётқизилган. Автобусда ҳайдовчи билан бирга 28 киши бўлган. Жамоа мусобақага кетаётган бўлган.
Эслатиб ўтамиз, 2 июнь куни Ҳиндистонда 3 та поезд тўқнашуви оқибатида 300 дан ортиқ одам ҳалок бўлди, 900 дан ортиғи жароҳатланди. Бу Ҳиндистонда сўнгги 20 йилдаги энг даҳшатли темирйўл ҳалокатига айланди.
Изоҳ (0)