Texas gubernatori 18 yoshgacha bo‘lgan bolalarga ijtimoiy tarmoqlardan foydalanishni taqiqlovchi qonunni imzoladi

Texas shtatida 13-iyun kuni 18 yoshgacha bo‘lgan bolalarning ota-ona roziligisiz ijtimoiy tarmoqlarga kirishini taqiqlovchi qonun loyihasi imzolandi.

Qonun loyihasida aytilishicha, ijtimoiy tarmoqqa egalik qiluvchi kompaniyalar bola u yerda akkaunt yaratishdan oldin uning ota-onasi yoki vasiylaridan rozilik olishi kerak. Qonun 2024-yil sentabridan kuchga kiradi.

Ijtimoiy tarmoqni egasi bo‘lgan kompaniyalar qonunga ko‘ra, bolalarni turli zararli kontentdan himoya qilishi, jumladan, giyohvand moddalarni iste’mol qilish kabi kontentni ko‘rishiga yo‘l qo‘ymasliklari shart. Buning uchun ijtimoiy tarmoqlarda yangi filtrlash tizimlari yaratilishi kerak.

Ba’zi advokatlar qonunda ko‘rsatilgan “raqamli xizmat”ning juda noaniq ta’rifiga allaqachon e'tibor qaratishdi. Yangi qonunga ko‘ra, shaxsni aniqlash bo‘yicha ma’lumot to‘playdigan deyarli har qanday saytga bolalar kirishi uchun ota-onasining roziligi talab qilinishi mumkin.

Shunga o‘xshash qonun 8-iyun kuni Luiziana shtatida qabul qilindi. Konnektikut, Merilend, Minnesota, Nyu-Jersi va Ogayo shtatlarida shunga o‘xshash qonun loyihalari ko‘rib chiqilmoqda.