Техас штатида 13 июнь куни 18 ёшгача бўлган болаларнинг ота-она розилигисиз ижтимоий тармоқларга киришини тақиқловчи қонун лойиҳаси имзоланди.
Қонун лойиҳасида айтилишича, ижтимоий тармоққа эгалик қилувчи компаниялар бола у ерда аккаунт яратишдан олдин унинг ота-онаси ёки васийларидан розилик олиши керак. Қонун 2024 йил сентябридан кучга киради.
Ижтимоий тармоқни эгаси бўлган компаниялар қонунга кўра, болаларни турли зарарли контентдан ҳимоя қилиши, жумладан, гиёҳванд моддаларни истеъмол қилиш каби контентни кўришига йўл қўймасликлари шарт. Бунинг учун ижтимоий тармоқларда янги филтрлаш тизимлари яратилиши керак.
Баъзи адвокатлар қонунда кўрсатилган “рақамли хизмат”нинг жуда ноаниқ таърифига аллақачон эътибор қаратишди. Янги қонунга кўра, шахсни аниқлаш бўйича маълумот тўплайдиган деярли ҳар қандай сайтга болалар кириши учун ота-онасининг розилиги талаб қилиниши мумкин.
Шунга ўхшаш қонун 8 июнь куни Луизиана штатида қабул қилинди. Коннектикут, Мериленд, Миннесота, Нью-Жерси ва Огаё штатларида шунга ўхшаш қонун лойиҳалари кўриб чиқилмоқда.
Изоҳ (0)