Май ойида Аргентинада нархларнинг ўсиши 7,8 фоизга етди. Йил бошидан буён бу кўрсаткич 42,2 фоизга ўсди.
2022 йилнинг май ойи билан солиштирганда, инфляция 114,2 фоизга ўсганини кўриш мумкин. Бу ҳақда Аргентина Статистика ва аҳолини рўйхатга олиш институти маълумотларига таяниб, “ТАСС” хабар берди.
Май ойи натижаларига кўра, уй-жой, ёқилғи ва коммунал хизматлар нархлари энг кўп – 11,9 фоизга ўсган. Иккинчи ўриндан – 9,3 фоизга ўсган меҳмонхоналар ва ресторанлардаги нархлар жой олган. Аргентинада энг кам ўсган нархлар таълим олишга алоқадор нархлар бўлиб турибди — 4,9%.
Бир неча йилдан бери Аргентина дунёдаги энг юқори инфляция кўрсаткичларидан бирини қайд этиб келмоқда. Февраль ойида бу кўрсаткич 102,5% га ўсди, бу 1991 йилдан бери энг юқори кўрсаткич бўлди.
Изоҳ (0)