Toshkentning Chilonzor tumani Astrobod ko‘chasida joylashgan mis quvurlari ishlab chiqarish sexida portlash bo‘lgandi. FVV hodisa oqibatida jabrlanganlar haqida ma’lumot berdi.
Ma’lum qilinishicha, 14-iyun kuni soat 09:50 mis quvurlari ishlab chiqarish sexining bir qavatli bostirmasi (angar)da texnologik jarayonni buzilishi natijasida portlash hodisasi sodir bo‘lib, yong‘in yuzaga kelgan.
Natijada sexning tom qismi konstruksiyalarining qulab tushishi va 50 kvadrat metr maydonda ichki qismi va dastgohlarining yonishiga olib kelgan.
Hodisa oqibatida bir nafar fuqaro voqea joyida halok bo‘lgan va 16 nafar fuqaro turli darajada tan jarohati olib, Respublika shoshilinch tibbiy yordam ilmiy markaziga yotqizilgan. Shulardan 7 nafar fuqaroga ahvoli yaxshi bo‘lganligi sababli shifoxonadan javob berilgan. Vazirlik tomonidan berilgan dastlabki ma’lumotda 6 kishi jarohat olgani ma’lum qilingandi.
Voqea joyiga zudlik bilan FVV va shahar FVB rahbariyati boshchiligida yong‘in-qutqaruv ekipajlari, shuningdek, Prokuratura, IIV, Milliy gvardiya, SSB, “Hududgaz” va boshqa tegishli tashkilotlar hodimlari yetib borgan. Hozirda vaziyat oqibatlarini bartaraf etish ishlari olb borilmoqda.
Izoh (0)