Тошкентнинг Чилонзор тумани Астробод кўчасида жойлашган мис қувурлари ишлаб чиқариш цехида портлаш бўлганди. ФВВ ҳодиса оқибатида жабрланганлар ҳақида маълумот берди.
Маълум қилинишича, 14 июнь куни соат 09:50 мис қувурлари ишлаб чиқариш цехининг бир қаватли бостирмаси (ангар)да технологик жараённи бузилиши натижасида портлаш ҳодисаси содир бўлиб, ёнғин юзага келган.
Натижада цехнинг том қисми конструкцияларининг қулаб тушиши ва 50 квадрат метр майдонда ички қисми ва дастгоҳларининг ёнишига олиб келган.
Ҳодиса оқибатида бир нафар фуқаро воқеа жойида ҳалок бўлган ва 16 нафар фуқаро турли даражада тан жароҳати олиб, Республика шошилинч тиббий ёрдам илмий марказига ётқизилган. Шулардан 7 нафар фуқарога аҳволи яхши бўлганлиги сабабли шифохонадан жавоб берилган. Вазирлик томонидан берилган дастлабки маълумотда 6 киши жароҳат олгани маълум қилинганди.
Воқеа жойига зудлик билан ФВВ ва шаҳар ФВБ раҳбарияти бошчилигида ёнғин-қутқарув экипажлари, шунингдек, Прокуратура, ИИВ, Миллий гвардия, ССБ, “Ҳудудгаз” ва бошқа тегишли ташкилотлар ҳодимлари етиб борган. Ҳозирда вазият оқибатларини бартараф этиш ишлари олб борилмоқда.
Изоҳ (0)