Qozog‘iston temiryo‘llari 14-iyundan 14-iyulga qadar Rossiya aviayoqilg‘isi va kerosinini tashishni taqiqladi. Bu haqda Zakon.kz xabar berdi.
Rossiya temiryo‘llarining barcha stansiyalaridan Qozog‘istondagi vokzallarga aviakerosin olib o‘tishga oylik taqiq kiritildi. Bu “Qozog‘iston temiryo‘llari” aksiyadorlik jamiyatining 8-iyundagi talabiga binoan joriy qilingan. Boshqa tafsilotlar berilmagan.
May oyi oxirida Qozog‘iston sanoat va infratuzilmani rivojlantirish vaziri Marat Karabayev mamlakatda aviakerosin taqchilligi kuzatilayotgani, bu esa uni Rossiyadan import qilishga sabab bo‘lganini aytgandi.
Shu oyda Qozog‘istonda avtobenzin taqchilligi qayd etilgan, shu sababli respublika suyultirilgan uglevodorod gazi eksportini kamaytirishga majbur bo‘lgan.
2022-yilda Rossiya temiryo‘l orqali Qozog‘istonga ushbu mahsulotning monopol yetkazib beruvchisi bo‘lib, import hajmi o‘tgan yilgi 0,4 ming tonnaga nisbatan 1,3 ming tonnani tashkil etgan.
Izoh (0)