Tailand politsiyasi Pxuket orolida Qozog‘iston fuqarosini Rossiya fuqarosini o‘ldirishga uringanlikda gumon qilib, qo‘lga oldi. Bu haqda “KazTAG” xabar berdi.
Qozog‘iston fuqarosi 7-iyun kuni rossiyalik o‘z mashinasida to‘xtash joyidan chiqib ketayotganida unga bir necha marta o‘q uzgan. Hujumdan keyin u voqea joyidan skuterda qochib ketgan, shaxsiy kuzatuv kameralari tufayli uni aniqlashgan.
Otishma sodir etgan shaxs 49 yoshli Qozog‘iston fuqarosi bo‘lib chiqqan. U mamlakatni tark etmoqchi bo‘lgan vaqtida Pxuket xalqaro aeroportidagi chiptalar kassasida qo‘lga olingan.
Jabrlanuvchi Pxuketga kelgan ruslar orasida mashhur bo‘lgan restoranlardan birining egasi. U og‘ir o‘q jarohati bilan kasalxonaga yetkazilgan va o‘qni olib tashlash uchun operatsiya qilingan.
Politsiya otishma sodir etilgan joydan bir kilometr narida daryo qirg‘og‘ida qozog‘istonlik erkakning quroli, kurtkasi, poyabzali va qo‘lqoplarini topgan.
Talgat Satibaldi, Ostona
Izoh (0)