O‘zlarini halok bo‘lgan o‘rmonchilarning qarindoshlari deb tanishtirgan bir guruh shaxslar Qozog‘iston prezidenti Qosim-Jo‘mart To‘qayev bilan notanish shaxslar uchrashganini ma’lum qildi. Bu haqda “KazTAG” xabar berdi.
“Telekanallar qayerda? Hamma qayerda? Kecha hokim o‘rinbosari Dmitriy Garikov hal qilamiz degandi. Kimdir hech bo‘lmasa ta’ziya bildirgani keldimi? Yo‘q, kelmadi. O‘rmon xo‘jaligidan ham kelishmadi. Ular faqat qo‘ng‘iroq qilishmoqda.
Bizga ularning qo‘ng‘irog‘i nega kerak? Kecha qarindoshlar prezident bilan uchrashgani borgan. Biroq bizdan hech kim uchrashuvda ishtirok etmadi. Borib, bu o‘z otam, dedim, ichkariga kiritishmadi. Ularning aytishicha, 14 kishi uchrashuvda bo‘lgan. Biz ularning hech birini tanimaymiz”, — deydi odamlar.
Abay viloyati hokimligi matbuot xizmati ushbu ma’lumotga hali munosabat bildirmadi.
Qozog‘istondagi o‘rmon yong‘ini
Respublikaning Rossiya bilan chegaradosh Abay viloyatidagi o‘rmon yong‘inlari 8-iyun kuni boshlangan. Yong‘in maydoni 60 ming gektardan oshgan. Ushbu yong‘in oqibatida jami 14 kishi halok bo‘ldi, ular xotirasiga 12-iyun kuni Qozog‘istonda umummilliy motam kuni deb e’lon qilindi.
Qozog‘iston prezidenti bo‘lib o‘tgan voqea uchun qurbonlarning oilasidan uzr so‘radi va aybdorlar javobgarlikka tortilishini aytdi. U qurbonlarning oilasiga moddiy yordam ko‘rsatilishini bildirdi.
Izoh (0)