Toshkentda yana bir yirik loyiha – Shoshkent turar joy majmuasining sotuv ofisi o‘z faoliyatini boshladi

Toshkent shahrida O‘zbegim devlopement kompaniyasi tomonidan barpo etilayotgan yana bir ajoyib katta loyiha – Shoshkent turar joy majmuasi sotuv ofisining ochilish marosimi bo‘lib o‘tdi.

Shoshkent – bu shaharning qulay va ko‘rkam qismida joylashgan zamonaviy turar joy majmuasi. O‘zbegim development kompaniyasi vakillarining taʼkidlashicha, majmua zamonaviy standartlarga mos ravishda sifatli qurilish materiallaridan bunyod etiladi. Majmuaning tashqi va ichki ko‘rinishi hech kimni befarq qoldirmaydi.

Shoshkent turar joy majmuasi 14 qavatli 4 ta blokdan iborat. Hududda har bir mijozning o‘z ehtiyojidan kelib chiqib, maydoni 55m2 dan 113m2 gacha bo‘lgan xonadonlar mavjud bo‘ladi.

Shoshkent turar joy majmuasi Toshkent shahrining markaziy hududlaridan biri – Usmon Nosir ko‘chasida joylashgan. Ushbu hudud azaldan xotirjamligi va xavfsizligi bilan ajralib turadi. Shuningdek, ushbu ko‘chadan shahar markaziga va poytaxtning boshqa tumanlariga ortiqcha ovoragarchiliklarsiz tezda yetib olish mumkin.

Tadbirda so‘zga chiqqan Yakkasaroy tumani hokimi Anvar Sayfutdinovning taʼkidlashicha, qulay sharoitlarga ega Shoshkent turar joy majmuasi poytaxt aholsining sevimli maskanlaridan biriga aylanadi.

Tadbir davomida loyiha taʼsischilari – Ollohyor Baxtiyorovich va Baxtiyor Bahodirovich ham so‘zga chiqib, ushbu majmua qurilishi, loyiha va rejalar haqida maʼlumotlarni taqdim etishdi va ishtirokchilarning savollariga batafsil javob berishdi.

Taʼkidlab o‘tish lozimki, O‘zbekistonda zamonaviy, barcha qulayliklarga ega uylar qurilishiga ko‘p yillardan beri hissa qo‘shib kelayotgan O‘zbegim Developement kompaniyasi poytaxt aholisi uchun sevimli manzilga aylanayotgan uylarni barpo etib kelmoqda. Jumladan, Toshkentning Bobur ko‘chasida joylashgan O‘zbegim turar joy majmuasi, o‘ziga xos meʼmoriy yechimlari va betakror dizayni tufayli shahar aholisining mehrini qozongan va “Toshkent xaritasidagi yorqin yulduz” nomini olgan.

Sotuv ofisi manzili: Toshkent shahri, Usmon Nosir ko‘chasi, 67