O‘zbekistonda so‘nggi 5 yilda qurilish kompaniyalari soni qanchaga ko‘paygani ma’lum bo‘ldi

O‘zbekistonda so‘nggi 5 yilda qurilish kompaniyalari soni qanchaga ko‘paygani ma’lum bo‘ldi.

O‘zbekistonda 2023-yil 1-iyun holatiga qurilish sohasida ro‘yxatdan o‘tgan korxonalar soni 51 277 tani tashkil etmoqda. Bu haqda Statistika agentligi xabar berdi.

Qayd etilishicha, qurilish sohasida ro‘yxatdan o‘tgan korxonalar soni 2022-yilning mos davriga nisbatan 8,1 foizga oshgan.

So‘nggi yillarda qurilish sohasida ro‘yxatdan o‘tgan korxonalar soni:

• 2019-yil 1-iyun holatiga – 33 249 ta;
• 2020-yil 1-iyun holatiga – 40 598 ta;
• 2021-yil 1-iyun holatiga – 45 680 ta;
• 2022-yil 1-iyun holatiga – 47 428 ta;
• 2023-yil 1-iyun holatiga – 51 277 ta.

Shu yilning yanvar oyida O‘zbekistonda qurilish bilan shug‘ullanayotgan korxona va tashkilotlar soni 45 591 tani tashkil etgani to‘g‘risida xabar berilgandi. Ularning eng katta qismi, ya’ni 9 166 tasi yoki respublikadagi jami korxonalarning 20,1 foizi Toshkent shahrida joylashgan.

Fevral oxirida esa Qurilish va uy-joy kommunal xo‘jaligi vazirligi Qurilish sohasida axborot-kommunikatsiya texnologiyalarini rivojlantirish markazi sohaviy qurilish-pudrat tashkilotlari reytingi e’lon qilindi. Unda O‘zbekistonda faqat bitta kompaniya yuqori (75 foiz) ishonchlilik darajasiga ega deya ko‘rsatilgan.