Ўзбекистонда сўнгги 5 йилда қурилиш компаниялари сони қанчага кўпайгани маълум бўлди.
Ўзбекистонда 2023 йил 1 июнь ҳолатига қурилиш соҳасида рўйхатдан ўтган корхоналар сони 51 277 тани ташкил этмоқда. Бу ҳақда Статистика агентлиги хабар берди.
Қайд этилишича, қурилиш соҳасида рўйхатдан ўтган корхоналар сони 2022 йилнинг мос даврига нисбатан 8,1 фоизга ошган.
Сўнгги йилларда қурилиш соҳасида рўйхатдан ўтган корхоналар сони:
- 2019 йил 1 июнь ҳолатига – 33 249 та;
- 2020 йил 1 июнь ҳолатига – 40 598 та;
- 2021 йил 1 июнь ҳолатига – 45 680 та;
- 2022 йил 1 июнь ҳолатига – 47 428 та;
- 2023 йил 1 июнь ҳолатига – 51 277 та.
Шу йилнинг январь ойида Ўзбекистонда қурилиш билан шуғулланаётган корхона ва ташкилотлар сони 45 591 тани ташкил этгани тўғрисида хабар берилганди. Уларнинг энг катта қисми, яъни 9 166 таси ёки республикадаги жами корхоналарнинг 20,1 фоизи Тошкент шаҳрида жойлашган.
Февраль охирида эса Қурилиш ва уй-жой коммунал хўжалиги вазирлиги Қурилиш соҳасида ахборот-коммуникация технологияларини ривожлантириш маркази соҳавий қурилиш-пудрат ташкилотлари рейтинги эълон қилинди. Унда Ўзбекистонда фақат битта компания юқори (75 фоиз) ишончлилик даражасига эга дея кўрсатилган.
Изоҳ (0)