Rossiyaning Bryansk viloyatida giyohvand moddalar savdosi bilan shug‘ullanishda ayblangan O‘zbekiston va Tojikiston fuqarolariga hukm o‘qildi, deb xabar beradi “Moskovskiy komsomoles”.
Qayd etilishicha, ushbu ikki gumonlanuvchi 2022-yilning mayida qo‘lga olingan. Ular viloyat markazining Fokinskiy va Bryansk tumani hududida “zakladka” qo‘yish bilan shug‘ullangan.
Huquq-tartibot organlari tomonidan qo‘lga olingan vaqtda ularning yonida 500 gramm geroin va 18 gramm metodon topilgan.
Sud hukmi bilan ulardan biri 10 yil 3 oy, ikkinchisi esa 8 yil 8 oy muddatga ozodlikdan mahrum etildi. Ular qattiq rejimdagi koloniyada jazo o‘taydi.
May oxirlarida ham Rossiyaning Samara shahrida Qirg‘iziston va O‘zbekiston fuqarolari giyohvand moddalar savdosida gumonlanib qo‘lga olingandi. Ularning birida oq matoga o‘ralgan narkotik, mobil telefonlarida esa buyurtmani yetkazib berish joyi ko‘rsatilgan suratlar olingan. Tekshiruv davomida ushbu joylardan oq moddalar topilgan.
Izoh (0)