Shifokorlar va olimlar saraton, xavf omillari va oldini olish usullari haqida ko‘proq bilishadi, shuning uchun ijobiy ko‘rsatkichlar har yili o‘sib bormoqda.
Noto‘g‘ri ovqatlanish, chekish va spirtli ichimliklar saraton rivojlanish xavfini oshirishi mumkinligini hamma biladi. Biroq, kasallikni qo‘zg‘atishi mumkin bo‘lgan juda ko‘p noaniq narsalar mavjud. Misol uchun har bir uy bekasining uyida saqlanadigan buyumlar. Onkolog Ivan Karasev qanday narsalarga juda ehtiyotkorlik bilan munosabatda bo‘lish kerakligini ma’lum qildi.
Idish yuvish geli
Shu paytgacha hammaning oshxonada idish yuvish mashinasi yo‘q. likopchalar, piyola va stakanlarni har kuni yuvish kerak. Bunda bizga suyuq kimyoviy moddalar yordam beradi. Ammo bu eritmaning 250 ml ga yaqini organizmga qo‘llarimiz orqali kirishini kam odam biladi.
Shifokor oshxona idishlarini suvda 7-8 martadan ko‘proq yuvishni maslahat beradi. Aks holda to‘plangan xo‘jalik kimyoviy moddalari saraton rivojlanishiga olib kelishi mumkin. Bundan tashqari, tabiiy tarkibga ega bo‘lgan mahsulotlarni tanlash yoki muntazam ravishda qo‘lqoplardan foydalanish zarur.
Tush
Har kuni o‘qishga yoki ishga ketayotgan ayollar kipriklarini bo‘yashadi. Ammo oddiy tush kanserogen bo‘lishi ehtimoli yo‘q emas.
Dezodorantlar
Hayotning bunday ayovsiz ritmida antiperspirantlarsiz yashash qiyin. Ular yoqimsiz hidni to‘sib qo‘yadilar, ammo ularning tarkibidagi mutlaqo xavfsiz bo‘lmagan komponent — alyuminiy (alyuminiy xlorid) buning uchun javobgardir. Sepiladiganini yoki boshqasini qo‘llaganda, u qo‘ltiq terisi orqali so‘riladi va inson limfa tizimiga, keyin esa sut beziga kiradi. Bunda ko‘krak saratoni bilan kasallanish xavfi mavjud.
Oqartiruvchi tish pastasi
Bunday “sehrli” pastada titan, aniqrog‘i, uning tuzlari bo‘lishi mumkin. Yorliqda u E171 deb belgilanadi. Albatta, bu modda tishlarni oqartirishga yordam beradi, ammo u buyraklar faoliyatini buzadi, ichakdagi foydali bakteriyalar sonini kamaytiradi, hatto, immunitetni tushiradi.
Kir yuvish kukunlari
Faqat homiladorlik paytida emas, balki butun hayot davomida ko‘proq tabiiy yuvish vositalariga ustunlik berish lozim. Afsuski, mutaxassisning fikriga ko‘ra, oddiy kukunlar toksik ta’sirga ega bo‘lgan xlor va boshqa ba’zi reaktiv moddalarni o‘z ichiga oladi. Sotib olishdan oldin mahsulot yorlig‘ini diqqat bilan o‘qing!
Plastik idishlar
Plastmassa eng xavfsiz materialdan tashkil topmaydi, ayniqsa, oziq-ovqat mahsulotlarini saqlashga mo‘ljallangani. Bunday idishlarda oziq-ovqatni saqlamaslik yoki qizdirmaslik yaxshiroqdir.
Noto‘g‘ri tanlangan pardalar
Shaffof pardalar aslida saratonga olib kelishi mumkin! To‘liq qorong‘ilikda uxlagan ma’qul. Shifokor bunday uyqu sog‘lom va chuqur bo‘lishini kafolatlaydi. Bundan tashqari, saraton hujayralarining tarqalishini bloklaydigan melatonin ishlab chiqarishga yordam berasiz. Shuning uchun yotoqxonangiz uchun tabiiy materiallardan tayyorlangan qora rangli variantlarni tanlang.
Mebel va qurilish materiallari
Albatta, mebel va qurilish materiallarini tanlashda go‘zallik va narxga qaraymiz, lekin sifat haqida unutmang. Sun’iy materiallar, past sifatli yelim, noma’lum tarkibdagi devor panellari zararli moddalarni chiqarishi mumkin. Shu bois tabiiy materiallardan tayyorlangan stullar va to‘shaklarni tanlash tavsiya qilinadi.
Mobil telefonlar
Telefondan nurlanish haqidagi barcha gaplar hazil emasligini anglab yetish kerak. Ayniqsa, qo‘ng‘iroqlar va suhbatlar paytida. “Bizda telefon yonida uxlab qolish odati bor, uni doimo qo‘limizda ushlab turamiz. Radiatsiyaning zarari allaqachon turli tajribalarda isbotlangan. Sichqonlar 24/7 telefon yonida bo‘lganida, bu ularning umr ko‘rish davomiyligiga salbiy ta’sir ko'rsatdi, ba’zilari saraton kasalligiga chalingan”, — deydi onkolog.
Xavflarni faqat shifokor maslahati yordamida kamaytirishingiz mumkin: masalan, qurilmani nafaqat uxlash vaqtida aviapilot rejimiga qo‘ying va shu bilan o‘zingizni himoya qiling.
Izoh (0)