“Toshkent shahrining ijtimoiy-iqtisodiy vazifalarini jadal sur’atlarda hal etish hamda aholi farovonligini yaxshilashga doir qo‘shimcha chora-tadbirlar to‘g‘risi”dagi prezident qaroriga o‘zgartirish va qo‘shimchalar kiritildi.
Qaror bilan Toshkent shahri mahallalarining infratuzilmasini rivojlantirish, mahallalarda bolalar va sport maydonchalarini qurish, mikro xiyobonlar tashkil etish, irrigatsiya tizimi va sug‘orish tarmoqlari hamda ko‘p qavatli uylarni ta’mirlash, shuningdek, mahallalarni obodonlashtirish va ko‘kalamzorlashtirish ishlarini jadallashtirish maqsad qilingan.
Shu munosabat bilan Toshkent shahri mahallalarining infratuzilmasini rivojlantirish, havo harorati keskin sovib ketishi davrida talafot ko‘rgan mahallalardagi ichki yo‘llar, piyodalar yo‘laklari, muhandislik-kommunikatsiya obyektlarini taʼmirlash uchun respublika budjetidan poytaxt budjetiga 211 milliard so‘m ajratiladi.
2023-yil fevral oyida ushbu maqsadlar uchun O‘zbekiston tiklanish va taraqqiyot jamg‘armasidan Toshkent shahri hokimligiga 584 milliard so‘m foizsiz kredit ajratilishi belgilangan edi. O‘zbekistonda 2023-yil mart boshida mahallalar infratuzilmasini rivojlantirishga davlat budjetidan 4 trillion so‘m ajratilishi aytilgandi.
Izoh (0)