Buxoro viloyati Kogon tumanida “Geofizika ekspeditsiyasi” korxonasida yong‘in sodir bo‘ldi. Viloyat FVB holat yuzasidan ma‘lumot berdi. 

Unga ko‘ra, 4-iyun kuni soat 22:09da Kogon shahar FVB dispetcherlik xizmatiga Kogon tuman “Geofizika” MFY hududida joylashgan “Geofizika ekspeditsiyasi” korxonasi binosida yong‘in sodir bo‘lgani to‘g‘risida xabar berilgan. Xabarga asosan voqea joyiga jami 7 ta yong‘in qutqaruv avtoekipajlari jalb etildi. Voqea joyiga soat 22:15 da yetib borib, soat 22:43 da to‘liq batamom o‘chirildi. 

Yong‘in natijasida binoning 4-qavatidagi 50 kv/m maydonda tom osti yog‘och qurilmalari yongan. Yong‘inning kelib chiqish sababi elektr simlarining qisqa tutashuvi deb taxmin qilinmoqda. Moddiy zarari aniqlanmoqda. Yong‘in natijasida fuqarolarning kuyish va halok bo‘lish holatlari qayd etilmadi.