1-iyunga o‘tar kechasi Rossiya qo‘shinlari Kiyevga hujum qildi. Shahar harbiy boshqarmasi Desnyansk va Dneprovsk tumanlarining o‘qqa tutilishi oqibatlari aks etgan suratlarni e’lon qildi.
Desnyansk tumanida uch kishi, jumladan, bir bola halok bo‘ldi. O‘n kishi, jumladan, bir bola yaralandi. Dneprovsk viloyatida esa ikki kishi jabrlandi. Ukraina Milliy politsiyasining aniqlik kiritishicha, Kiyevda halok bo‘lganlar 34 va 33 yoshli ayollar hamda 9 yoshli qizaloq bo‘lgan.
Kiyevga hujumda halok bo‘lgan qizining jasadi ustida yig‘layotgan ona. 2023-yil 1-iyun
Hujum oqibatida turar joy binolari, bolalar bog‘chasi va tibbiyot muassasasiga zarar yetgan. Voqea joyida politsiya va boshqa favqulodda xizmatlar ishlamoqda.
Ukraina Qurolli kuchlari Bosh shtabining tonggi hisobotida aytilishicha, Kiyevga “Iskandar” raketalari otilgan. Hisobotga ko‘ra, uchirilgan 10 ta “Iskander-M” va “Iskander-K” raketalarining barchasi urib tushirilgan. “Afsuski, havo hujumiga qarshi jangda halok bo‘lganlar va yaradorlar bor, ular orasida bolalar ham bor”, — deyiladi Ukraina Qurolli kuchlari Bosh shtabi xabarida.
Izoh (0)