1 июнга ўтар кечаси Россия қўшинлари Киевга ҳужум қилди. Шаҳар ҳарбий бошқармаси Деснянск ва Днепровск туманларининг ўққа тутилиши оқибатлари акс этган суратларни эълон қилди.
Деснянск туманида уч киши, жумладан, бир бола ҳалок бўлди. Ўн киши, жумладан, бир бола яраланди. Днепровск вилоятида эса икки киши жабрланди. Украина Миллий полициясининг аниқлик киритишича, Киевда ҳалок бўлганлар 34 ва 33 ёшли аёллар ҳамда 9 ёшли қизалоқ бўлган.
Киевга ҳужумда ҳалок бўлган қизининг жасади устида йиғлаётган она. 2023 йил 1 июнь
Ҳужум оқибатида турар жой бинолари, болалар боғчаси ва тиббиёт муассасасига зарар етган. Воқеа жойида полиция ва бошқа фавқулодда хизматлар ишламоқда.
Украина Қуролли кучлари Бош штабининг тонгги ҳисоботида айтилишича, Киевга “Искандар” ракеталари отилган. Ҳисоботга кўра, учирилган 10 та “Искандер-М” ва “Искандер-К” ракеталарининг барчаси уриб туширилган. “Афсуски, ҳаво ҳужумига қарши жангда ҳалок бўлганлар ва ярадорлар бор, улар орасида болалар ҳам бор”, — дейилади Украина Қуролли кучлари Бош штаби хабарида.
Изоҳ (0)