Latviya Seymi mamlakatning yangi prezidentini sayladi. Ushbu lavozimni mamlakat tashqi ishlar vaziri Edgar Rinkevich egalladi.

Rinkevich nomzodi bosh vazirning “Yangi birlik” partiyasi tomonidan ilgari surilgan. Ammo hukmron koalitsiyadagi barcha partiyalar ham TIV rahbarini qo‘llab-quvvatlamagan, shu bois uni saylash uchun uch turda ovoz berishga to‘g‘ri keldi. Oxirgi turda Rinkevich 52 ta ovoz oldi.

Prezident sifatida Rinkevics 2019-yildan buyon ushbu lavozimda ishlab kelayotgan Egils Levitsning o‘rnini egallaydi. Levits bu safargi saylovda qatnashmadi.

Latviya parlamentli respublika. Prezident rasmiy davlat rahbari, lekin u bosh vazirga qaraganda ancha kam vakolatlarga ega. Rinkevich 1991-yilda mamlakat mustaqilligi tiklanganidan beri Latviyaning yettinchi prezidenti bo‘ldi.

Eslatib o‘tamiz, 28-may kuni Turkiyada prezidentlik saylovlarining ikkinchi bosqichida amaldagi davlat rahbari Rajab Toyyib Erdo‘g‘on yangi muddatga saylandi.

AQSHda esa Jon Kennedining jiyani, advokat Robert Kennedi Amerika prezidentligi uchun saylovlarda Demokratik partiyadan nomzod sifatida ishtirok etish maqsadida ariza bergani xabar qilingandi.