Aktyorlik mahorati har qanday odamga aylanish qobiliyatini anglatadi. Quyidagi aktyor va aktrisalar ham rollarini o‘zgartirishdan va ekranda juda g‘ayrioddiy tarzda paydo bo‘lishdan qo‘rqmadilar.
Natali Portman — “Goya sharpalari”
Natali “Goya sharpalari” filmida jirkanch obrazni sinab ko‘rishdan qo‘rqmadi. Agar film boshida aktrisa yosh sohibjamol sifatida paydo bo‘lsa, film oxirigacha keskin o‘zgaradi. Axir uning qahramoni ko‘p yillarni qamoqda o‘tkazadi va jozibasi, sog‘lig‘i va yoshligini yo‘qotadi.
Jared Leto — “Xudkushlar guruhi”
Jared Leto 2016-yilda Joker rolini ijro etgan aktyorlar ro‘yxatiga qo‘shildi. U rolga shunchalik sho‘ng‘ib ketdiki, vaqti-vaqti bilan suratga olish maydonchasida g‘alati ishlar qilib, hammani asabiylashtirardi. Misol uchun, Jared kadrdagi hamkasblariga Joker uslubidagi sovg‘alarni taqdim etadi — Margo Robbiga tirik kalamush sovg‘a qiladi.
Tom Kruz — “Omadsiz askarlar”
Ushbu filmda Tom semiz ko‘rsatadigan kostyum, protez qo‘l va kal parik kiygan.
Naomi Xarris — “Karib dengizi qaroqchilari” franshizasi
Naomi “Karib dengizi qaroqchilari” franshizasida folbin Tia Dalma rolini o‘ynagan. 2-qismda esa uning Kalipso ma’budasi ekanligi ma’lum bo‘ladi. Bu ism “yashirayotgan” deb tarjima qilinadi. Gomerning “Odissey”ida bu ma’buda Odisseyni Troya urushidan keyin uyiga qaytishiga yo‘l qo‘ymaydi. Filmda esa Tia Dalma kapitan Barbossani yashiradi.
Bill Nigi — “Karib dengizi qaroqchilari: murdalar sandig‘i”
“Uchar golland” sardori Deyvi Jons rolini Bill Nigi ijro etgan. Obrazni yaratishda harakatni suratga olish texnikasidan foydalanilgan: qahramonning tashqi ko‘rinishi kompyuter tomonidan yaratilgan. Ammo ko‘pchilik lateks niqobidan foydalanilgan deb o‘ylaydi.
Joui King — “Mug‘ombirlik”
Joui hayotini o‘z onasi vayron qilgan Jipsi Blanchard rolini o‘ynaydi. Ushbu serialdagi roli uchun King “Emmi” mukofotiga nomzod bo‘lgan.
Helena Bonem Karter — “Katta baliq”
Tim Byortonning “Katta baliq” nomli kult filmida Bonem Karter 2 xil obrazda paydo bo‘lgan: go‘zal yosh ayol va bolalarni qo‘rqitadigan jodugar.
Nikol Kidman — “Qasos vaqti”
Erin Bell roli Nikol Kidmanga “Eng yaxshi aktrisa” nominatsiyasida “Oltin globus” mukofotini olib keldi.
Stefani Leonidas — “Chaqiruv”
“Chaqiruv” filmida aktrisa o‘zga sayyoralik irq vakilini tasvirlagan. Tashqi ko‘rinishi, odamga o‘xshasa-da, ko‘p jihatlari bizga begona.
Margo Robbi — “Ikki qirolicha”
Margo Robbi qahramoni — qirolicha Yelizaveta I. Bu filmdagi qahramonlarning makiyaji va soch turmagi tanqidchilarni shu qadar hayratda qoldirdiki, film tegishli nominatsiya bo‘yicha “Oskar”ga nomzod bo‘ldi.
Kasallikdan aziyat chekayotgan qirolicha timsolidagi aktrisani tanib olish qiyin.
Meril Strip — “O‘rmon ichkarisida”
Qo‘rqinchli jodugar obrazi tufayli Meril Strip “Eng yaxshi aktrisa” nominatsiyasida “Oskar” mukofotiga sazovor bo‘ldi.
Anya Teylor-Joy — “Atlantida”
Yangi avlodning eng go‘zal aktrisalaridan biri silliq bosh suyagi va yuziga chizilgan chizmalar bilan ekranda paydo bo‘lishdan qo‘rqmadi. Gap 2013-yildan 2015-yilgacha davom etgan “Atlantida” fantastik seriali haqida bormoqda.
Izoh (0)