Beyonse va Jey Zi 200 million dollarga uy xarid qildi. Bu Kaliforniyada shu paytgacha sotilgan eng qimmat ko‘chmas mulk hisoblanadi, deb yozadi TMZ. Yulduzli juftlik endilikda Paradayz-Kouv tumanida, Tinch okeani sohilida joylashgan, maydoni 2 800 kvadrat metr bo‘lgan hashamatli qasrga ega bo‘ldi. Jey Zi va Beyonsening yangi uyining narxi bundan ham qimmatroq bo‘lishi mumkin edi. Uning avvalgi egasi, san’at asarlari kolleksioneri Uilyam Bell uyning qurilishiga 15 yil sarflagan. Dastlab kolleksioner betondan ko‘tarilgan binoni 295 million dollarga sotmoqchi bo‘lgan. Kaliforniyadagi qasr Jey Zi va Beyonsening ushbu shahardagi ikkinchi ko‘chmas mulki hisoblanadi. Ular, shuningdek, Bel-Eyrdagi 88 million dollarlik hashamatli uyga ham egalik qiladi. 
Uy taniqli yaponiyalik arxitektor Tadao Ando loyihasi bo‘yicha qurilgan. Amerikalik taniqli reper Kanye Uest ham yaponiyalik arxitektorning muxlisi hisoblanadi. Reper 2021-yilda Malibudan Andoning loyihasiga ko‘ra qurilgan uy sotib olgan. 
Mavzuga doir
×![Lightbox Image]()
Izoh (0)