Filmlar muvaffaqiyatining kaliti mukammal aktyorlik mahoratida. Quyida afsonalarning obrazini yaratgan mashhurlar haqida ma’lumot beramiz.
Timoti Shalame Bob Dilan rolida (“Begona”)
Filmda musiqachining rok-n-rollga ishtiyoqi baland bo‘lgan davr haqida hikoya qilinadi. 1965-yilda Dilan akustik gitaradan elektr gitaraga o‘tadi va bu karyerasidagi burilish nuqtasiga aylanadi. Filmda Ell Fenning Bobning sevgilisi, rassom Silviya Russo obrazida paydo bo‘ladi.
Taron Ejerton — Elton Jon (“Roketmen”)
Bastakor, pianinochi va Britaniya imperiyasi ordeni sohibi — bunday odamning tarjimayi holi hammada qiziqish uyg‘otadi. Chunki rejissor Dekster Fletcher “Roketman” filmi ustida 10 yil ishlagan. Elton Jon rolini Taron Ejerton ijro etgan. Film musiqachi bilan 1990-yillarga qadar sodir bo‘lgan voqealar haqida. Bosh rolga tayyorgarlik ko‘rishda Ejerton shunday dedi:
“Men Elton va uning do‘stlari bilan ko‘p vaqt o‘tkazardim. Biz hayot, tajriba va sarguzashtlar haqida gaplashardik. Men uning ko‘plab musiqalarini tingladim, shuningdek, u professional bo‘lishdan oldin nimalarni tinglagan bo‘lsa, ularni ham eshitdim. Elton bilan kvartiramda ko‘p vaqt o‘tkazardik, uning konsertlarini tomosha qilardik. Shu tariqa uning dunyosiga sho‘ng‘ib ketdim”.
Ostin Batler — Elvis Presli (“Elvis”)
Ostin Batler tomonidan ijro etilgan Elvis Preslining ijodiy yo‘li xonandaning menejeri Tom Parker bilan munosabatlar prizmasi orqali ko‘rsatilgan. Agent 20 yildan ortiq vaqt davomida musiqachining yonida bo‘lgan. Bu vaqt ichida noma’lum ijrochi rok-n-roll qiroliga aylanadi. Batler filmga puxta tayyorgarlik ko‘radi. U ikki yil davomida turli o‘qituvchilardan vokal darslarini oladi va bir yil davomida oilasidan uzoqda yashaydi.
“Hech kim bilan umuman gaplashmagan oylarim bo‘ldi. O‘sha vaqtda men faqat Elvis haqida o‘yladim, doimo u bo‘lib gapirdim”.
Rami Malek — Freddi Merkyuri (“Bogemiya rapsodiyasi”)
Kinobiografiya Freddi Merkyuriga, uning o‘zini tan olishiga va dahshatli kasallikka qarshi kurashga bag‘ishlangan. Queen’ning mashaqqatli yo‘lini Rami Malekdan yaxshiroq ijro eta oladigan aktyorni tasavvur qilish qiyin. Boshidanoq film ijodkorlari uning mahoratiga shubha qilmaganlar:
“Grem ham boshqa prodyuserlar singari hamma narsa haqida osongina gapiradi. Muloqotimiz oxirida bunga chiday olmadim “Men qo‘limdan kelgancha harakat qilaman. Bu rol orzumdagi obraz, uni olish uchun har narsaga tayyorman” dedim. U esa menga ahmoqqa qaragandek: “Tushunmayapsanmi? Boshqa nomzodlar yo‘q, faqat sen” degan.
Marion Kotilyyar — Edit Piaf (“Pushtirang hayot”)
Qashshoqlikdan yorug‘likkacha. Edit Piaf — fransuz kabare inqilobchisi. “Pushtirang hayot” kartinasi xarobadagi qiz qanday qilib millionlab odamlarning qalbini zabt eta olgani haqida. Ekranda Piafni Marion Kotilyyarni gavdalantiradi, buning uchun aktrisa “Oskar”ga munosib ko‘riladi. Aktrisa suratga olish jarayonini hamon “katta hayajon” bilan eslaydi:
“Meni Edit Piaf roliga taklif qilishganini bilgach, qo‘rqib ketdim. Bu aqldan ozdiradigan darajadagi qo‘rquv edi. Afsonani o‘ynash. Go‘yo uning hayotini boshimdan o‘tkazgandek bo‘ldim: Edit barcha his-tuyg‘ularimni, yurishimni, hayotimni nazorat qildi. Men endi Marion Kotilyyar emasdim, faqat Edit Piaf edim”.
Izoh (0)