Актёрлик маҳорати ҳар қандай одамга айланиш қобилиятини англатади. Қуйидаги актёр ва актрисалар ҳам ролларини ўзгартиришдан ва экранда жуда ғайриоддий тарзда пайдо бўлишдан қўрқмадилар.
Натали Портман — “Гоя шарпалари”
Натали “Гоя шарпалари” фильмида жирканч образни синаб кўришдан қўрқмади. Агар фильм бошида актриса ёш соҳибжамол сифатида пайдо бўлса, фильм охиригача кескин ўзгаради. Ахир унинг қаҳрамони кўп йилларни қамоқда ўтказади ва жозибаси, соғлиғи ва ёшлигини йўқотади.
Жаред Лето — “Худкушлар гуруҳи”
Жаред Лето 2016 йилда Жокер ролини ижро этган актёрлар рўйхатига қўшилди. У ролга шунчалик шўнғиб кетдики, вақти-вақти билан суратга олиш майдончасида ғалати ишлар қилиб, ҳаммани асабийлаштирарди. Мисол учун, Жаред кадрдаги ҳамкасбларига Жокер услубидаги совғаларни тақдим этади — Марго Роббига тирик каламуш совға қилади.
Том Круз — “Омадсиз аскарлар”
Ушбу фильмда Том семиз кўрсатадиган костюм, протез қўл ва кал парик кийган.
Наоми Харрис — “Кариб денгизи қароқчилари” франшизаси
Наоми “Кариб денгизи қароқчилари” франшизасида фолбин Тиа Далма ролини ўйнаган. 2-қисмда эса унинг Калипсо маъбудаси эканлиги маълум бўлади. Бу исм “яшираётган” деб таржима қилинади. Гомернинг “Одиссей”ида бу маъбуда Одиссейни Троя урушидан кейин уйига қайтишига йўл қўймайди. Фильмда эса Тиа Далма капитан Барбоссани яширади.
Билл Ниги — “Кариб денгизи қароқчилари: мурдалар сандиғи”
“Учар голланд” сардори Дейви Жонс ролини Билл Ниги ижро этган. Образни яратишда ҳаракатни суратга олиш техникасидан фойдаланилган: қаҳрамоннинг ташқи кўриниши компьютер томонидан яратилган. Аммо кўпчилик латекс ниқобидан фойдаланилган деб ўйлайди.
Жоуи Кинг — “Муғомбирлик”
Жоуи ҳаётини ўз онаси вайрон қилган Жипси Бланчард ролини ўйнайди. Ушбу сериалдаги роли учун Кинг “Эмми” мукофотига номзод бўлган.
Ҳелена Бонем Картер — “Катта балиқ”
Тим Бёртоннинг “Катта балиқ” номли култ фильмида Бонем Картер 2 хил образда пайдо бўлган: гўзал ёш аёл ва болаларни қўрқитадиган жодугар.
Николь Кидман — “Қасос вақти”
Эрин Белл роли Николь Кидманга “Энг яхши актриса” номинациясида “Олтин глобус” мукофотини олиб келди.
Стефани Леонидас — “Чақирув”
“Чақирув” фильмида актриса ўзга сайёралик ирқ вакилини тасвирлаган. Ташқи кўриниши, одамга ўхшаса-да, кўп жиҳатлари бизга бегона.
Марго Робби — “Икки қиролича”
Марго Робби қаҳрамони — қиролича Елизавета I. Бу фильмдаги қаҳрамонларнинг макияжи ва соч турмаги танқидчиларни шу қадар ҳайратда қолдирдики, фильм тегишли номинация бўйича “Оскар”га номзод бўлди.
Касалликдан азият чекаётган қиролича тимсолидаги актрисани таниб олиш қийин.
Мерил Стрип — “Ўрмон ичкарисида”
Қўрқинчли жодугар образи туфайли Мерил Стрип “Энг яхши актриса” номинациясида “Оскар” мукофотига сазовор бўлди.
Аня Тейлор-Жой — “Атлантида”
Янги авлоднинг энг гўзал актрисаларидан бири силлиқ бош суяги ва юзига чизилган чизмалар билан экранда пайдо бўлишдан қўрқмади. Гап 2013 йилдан 2015 йилгача давом этган “Атлантида” фантастик сериали ҳақида бормоқда.
Изоҳ (0)