Salvadordagi futbol o‘yini vaqtida yuz bergan tartibsizliklar oqibatida 12 kishi halok bo‘ldi (video)

Futbol bo‘yicha Salvador mamlakati milliy chempionatida fojia yuz berdi.

Mamlakat poytaxti San-Salvador shahrida o‘tkazilgan “Alyans” va “FAS” klublari o‘rtasidagi o‘yin vaqtida tiqilinchlar yuz bergan. Qayd etilishicha, katta miqdordagi muxlislar oqimi darvozalar yopiq bo‘lishiga qaramay, tribunalarga o‘tishga uringan.

Taxminlarga ko‘ra, ayrim muxlislarga qalbaki chiptalar sotilgan va shu bois tartibsizliklar kelib chiqqan. Ayni vaqtda voqea yuzasidan tergov ishlari olib borilmoqda.

Rasmiy ma’lumotlarga ko‘ra, tiqilinchlar oqibatida kamida 12 kishi halok bo‘lgan, kamida 500 ga yaqin odam tibbiy yordamga ehtiyoj sezgan va ularning ko‘pchiligi shifoxonaga olib borilgan.

Ayni vaqtda Salvador chempionati bahslari to‘xtatilgan.

Salvador prezidenti Nayib Bukele tergovga barcha, jamoalar, ularning menejerlari, stadion, liga va futbol federatsiyasi rahbarlari jalb etilishini ma’lum qildi.

“Kim bo‘lishidan qat’i-nazar jazosiz qolmaydi”, — deydi Bukele.