Bundesliga. “Bavariya” o‘z maydonida mag‘lub bo‘lib, chempionlik taqdirini “Borussiya D”ga topshirdi

Futbol bo‘yicha Germaniya Bundesligasining 33-turida “Bavariya” 20-may, shanba kuni “Leypsig”ga qarshi bahs olib bordi.

Uchrashuvning 25-daqiqasida Serj Gnabri hisobni ochdi. Birinchi bo‘lim myunxenliklarning minimal ustunligida tugadi. Ikkinchi bo‘limda mehmonlar faollikni oshirdi. Dastlab, 64-daqiqada Konrad Laymer muvozanatni tikladi. 76-daqiqada Kristofer Nkunku “Leypsig”ning ikkinchi golini urdi. 86-daqiqada Dominik Soboslai penaltidan unumli foydalanib, hisobni ishonchli ko‘rinishga olib keldi. 

“Leypsig” ochkolari sonini 63 taga yetkazib, 3-o‘rinni mustahkamladi. “Bavariya” esa 68 ochko bilan birinchi o‘rinda qoldi. Biroq, ikkinchi o‘rindagi “Borussiya D” o‘z o‘yinida g‘alaba qozonsa, birinchi o‘ringa chiqib oladi. 

Bundesliga

33-tur bahsi

20-may, shanba

“Bavariya” – “Leypsig” 1:3

Gollar: 1:0 – 25 Gnabri, 1:1 – 64 Laymer, 1:2 – 76 Nkunku (penalti), 1:3 – 86 Soboslai (penalti).

“Bavariya”: Zommer, Mazraui (Mane, 86), Pavar, de Ligt, Joau Kanselu (Upamekano, 86), Goretska (Gravenberx, 69), Kimmix, Myuller, Koman (Tel, 77), Musiala, Gnabri (Sane, 69).

“Leypsig”: Blasvix, Simakan (Xenrixs, 46), Orban, Gvardiol (Klostermann, 87), Halstenberg, Laymer, Olmo (Diallo, 87), Aydara (Kampl, 69), Soboslai, Andre Silva (Forsberg, 69), Nkunku.

Ogohlantirishlar: Gvardiol (68), Pavar (72).