Futbol bo‘yicha Italiya A Seriyasining 36-turida “Milan” va “Sampdoriya” 20-may, shanba kuni o‘zaro to‘qnash keldi.
Uchrashuv milanliklarning 5:1 hisobidagi g‘alabasi bilan yakunlandi. “Rossoneri” safida Olivye Jiru het-rik qayd etgan bo‘lsa, Rafael Leau va Braim Diaslar bittadan gol muallifiga aylandi. Mehmonlar tarkibida Fabio Kualyarella bitta golni o‘z hisobiga yozdirib qo‘ydi.
“Milan” ochkolari sonini 64 taga yetkazib, 5-o‘rinda bormoqda. Milan klubi YCHLga yo‘llanma beruvchi o‘rinlar uchun kurashmoqda. Hozircha 4-o‘rinda borayotgan “Latsio”da 65 ochko mavjud. 3-o‘rindagi “Inter”da esa 66 ochko. Biroq, har ikkala jamoa hali ushbu turdagi o‘yinlarini o‘tkazgani yo‘q.
A Seriya
36-tur bahsi
20-may, shanba
“Milan” – “Sampdoriya” 5:1
Gollar: 1:0 – 9 Rafael Leau, 1:1 – 20 Kualyarella, 2:1 – 23 Jiru, 3:1 – 29 Jiru (penalti), 4:1 – 63 Braim Dias, 5:1 – 68 Jiru.
“Milan”: Menyan, Kalabriya, Tomori (Kyer, 81), Tiav, Ernandes (Ballo-Ture, 81), Krunich, Braim Dias (de Ketelare, 70), Tonali (Pobega, 81), Rafael Leau, Messias (Salemakers, 60), Jiru.
“Sampdoriya”: Ravalya, Zanoli, Nyuytink (Amione, 69), Gyunter, Aujello, Leris, Rinkon (Paoletti, 82), Jurichich (Ilkxan, 82), Uinks, Kualyarella (Ikonomu, 69), Gabbyadini (Lammers, 69).
Ogohlantirishlar: Gunter (27), Zanoli (30), Ernandes (75), Ikonomu (89).
Izoh (0)