O‘zbekiston vaqti bilan 21-may tongida Las-Vegas shahrida professional boks oqshomi bo‘lib o‘tdi.
Musobaqaning asosiy jangi yengil vazn toifasida mutlaq jahon chempioni Devin Heyni (30-0, 15 KO) va sobiq chempion Vasiliy Lomachenko (17-3, 11 KO) o‘rtasida kechdi.
Jangning birinchi raundi teng kurashlar ostida o‘tdi va amerikalik bokschi biroz faolroq bo‘ldi. Keyingi ikki raundda Lomachenko ustunlik qayd etdi. Jangning o‘rta qismida Heyni ko‘proq raundlarni o‘z foydasiga hal qila oldi. 10 va 11-raundlar ukrainalik bokschining katta ustunligi ostida o‘tdi. So‘nggi raundda yana Devin faollik namoyish qildi.
Yakunda hakamlar bir ovozdan Devinning g‘alabasini qayd etdi — 116:112, 115:113, 115:113.
Shu tariqa Heyni g‘alabali seriyasini davom ettirgan holda o‘ziga tegishli WBA Super, WBC, IBF va WBO kamarlarini muvaffaqiyatli himoya qildi.
Izoh (0)