APL chempionligini hal qilib qo‘ygan “Manchester Siti” o‘z uyida “Chelsi”ni mag‘lub etdi

Futbol bo‘yicha Angliya Premyer Ligasining 37-turidan o‘rin olgan qator uchrashuvlar 21-may, yakshanba kuni bo‘lib o‘tdi.

“Manchester Siti” o‘z maydonida “Chelsi”ni qabul qildi. Uchrashuvning 12-daqiqasida Xulian Alvares tomonidan urilgan gol yakunda bahs taqdirini hal qildi.

“Arsenal” mazkur turda mag‘lubiyatga uchraganidan keyin “Manchester Siti” muddatidan avval APL g‘olibligini qo‘lga kiritgandi.

Ushbu g‘alaba evaziga “shaharliklar” ochkolarini 88 taga yetkazib oldi. “Chelsi” (43) esa 12-pog‘onaga tushib ketdi.

21-may kungi o‘yinlardan keyin musobaqa jadvali quyidagi ko‘rinishni oldi:

APL

37-tur bahslari

21-may, yakshanba

“Manchester Siti” – “Chelsi” 1:0

Gol: 1:0 – 12 Alvares.

“Manchester Siti”: Ortega, Lyuis, Uoker, Lyaport (Rodri, 78), Akanji (Stounz, 57), Serxio Gomes (de Bryuyne, 78), Fillips, Foden, Palmer, Mahrez (Holand, 74), Alvares.

“Chelsi”: Arrisabalaga, Aspilikueta, Tiago Silva, Chaloba, Fofana, Xoll (Kulibali, 81), Loftus-Chik (Chukvuemeka, 81), Gallaher (Mudrik, 69), Fernandes, Haverts (Pulishich, 85), Sterling (Madueke, 69).

Ogohlantirishlar: Haverts (18), Fernandes (66).

“Vest Hem” – “Lids” 3:1

Gollar: 0:1 – 17 Rodrigo, 1:1 – 31 Rays, 2:1 – 72 Bouen, 3:1 – 90 Lansini.

“Brayton” – “Sauthempton” 3:1

Gollar: 1:0 – 29 Fergyuson, 2:0 – 40 Fergyuson, 2:1 – 58 Elyunussi, 3:1 – 69 Gross.