АПЛ чемпионлигини ҳал қилиб қўйган “Манчестер Сити” ўз уйида “Челси”ни мағлуб этди

Футбол бўйича Англия Премьер Лигасининг 37-туридан ўрин олган қатор учрашувлар 21 май, якшанба куни бўлиб ўтди.

“Манчестер Сити” ўз майдонида “Челси”ни қабул қилди. Учрашувнинг 12-дақиқасида Хулиан Альварес томонидан урилган гол якунда баҳс тақдирини ҳал қилди.

“Арсенал” мазкур турда мағлубиятга учраганидан кейин “Манчестер Сити” муддатидан аввал АПЛ ғолиблигини қўлга киритганди.

Ушбу ғалаба эвазига “шаҳарликлар” очколарини 88 тага етказиб олди. “Челси” (43) эса 12-поғонага тушиб кетди.

21 май кунги ўйинлардан кейин мусобақа жадвали қуйидаги кўринишни олди:

АПЛ

37-тур баҳслари

21 май, якшанба

“Манчестер Сити” – “Челси” 1:0

Гол: 1:0 – 12 Альварес.

“Манчестер Сити”: Ортега, Льюис, Уокер, Ляпорт (Родри, 78), Аканжи (Стоунз, 57), Серхио Гомес (де Брюйне, 78), Fillips, Фоден, Палмер, Маҳрез (Ҳоланд, 74), Альварес.

“Челси”: Аррисабалага, Аспиликуэта, Тиаго Сильва, Чалоба, Фофана, Холл (Кулибали, 81), Лофтус-Чик (Чуквуэмека, 81), Галлаҳер (Мудрик, 69), Фернандес, Ҳаверц (Пулишич, 85), Стерлинг (Мадуэке, 69).

Огоҳлантиришлар: Ҳаверц (18), Фернандес (66).

“Вест Ҳэм” – “Лидс” 3:1

Голлар: 0:1 – 17 Родриго, 1:1 – 31 Райс, 2:1 – 72 Боуэн, 3:1 – 90 Лансини.

“Брайтон” – “Саутҳэмптон” 3:1

Голлар: 1:0 – 29 Фергюсон, 2:0 – 40 Фергюсон, 2:1 – 58 Элюнусси, 3:1 – 69 Гросс.