Prezident Shavkat Mirziyoyev Yevropa tiklanish va taraqqiyot banki Boshqaruvchilar kengashining 32-yillik yig‘ilishida ishtirok etish uchun Samarqand shahriga kelgani xabar qilingandi.
O‘zbekiston rahbari yig‘ilishning Boshqaruvchilar kengashi ochilish sessiyasida mamlakatning Jahon savdo tashkilotiga a’zo bo‘lishi masalasiga to‘xtalib o‘tdi.
“Biz tovarlar, xizmatlar kapital va mehnat bozorlarini erkinlashtirish siyosatini jadal davom ettiramiz. Jumladan, dunyodagi ishlab chiqarish zanjirlariga qo‘shilish maqsadida Jahon savdo tashkilotiga a’zo bo‘lishda katta qadamlar tashladik. Ushbu yo‘nalishda bu yil salmoqli natijalarga erishamiz deb ishonaman”, — dedi prezident.
Shuningdek, O‘zbekistonning jahon savdo tashkilotiga a’zo bo‘lishi masalasiga yig‘ilishning boshqa sessiyasida Bosh vazir o‘rinbosari Jamshid Xo‘jayev ham izoh berdi. “Yangi O‘zbekiston — yangi investitsiya istiqbollari” sessiyasida Xo‘jayev jarayon dinamik bo‘lishini qayd etgan. “Jahon savdo tashkilotiga a’zo bo‘lish bo‘yicha vaqt jadvalimiz juda qisqa. Buning ustida ishlaymiz”, — degan Jamshid Xodjayev.
Izoh (0)