12 май куни Фредди Меркьюри образини гавдалантирган ва бу роли учун “Оскар” мукофотини олган актёр Рами Малек 42 ёшни қарши олди. Кино оламидаги энг машҳур мукофотлардан бирига қўшимча равишда, бу рол Рамига шахсий ҳаётида ҳам бахт келтирди. Қуйида актёрнинг ҳаёти ҳақидаги қизиқарли маълумотлар ва унинг иштирокидаги энг машҳур кинокартиналар ҳақида сўз боради.
Кўп миллатли оила
Рами Малек кўп миллатли оилада дунёга келган. Унинг ота-онаси Саид Малек ва Нелли Абдел-Малек 1978 йилда Мисрдан АҚШга кўчиб ўтган. Ўша пайтда жуфтликнинг Ясмин исмли қизи бор эди ва орадан тўрт йил ўтиб уларнинг оиласида эгизак фарзандлар Рами ва Сами дунёга келди. Малек оиласининг аъзолари — коптлар (Миср насронийлари).
Рами Малекнинг опаси тез ёрдам шифокори. Сами Малек Лос-Анжелесдаги ўрта мактаб ўқитувчиси. Рами Малек оила аъзолари билан яхши муносабатда бўлишга ҳаракат қилади. “Оскар” мукофотини олган актёр онасини яхши кўриши ҳақида гапириб берган. Актёрнинг онаси ўғлининг актёрлик карьерасининг бошида, у билан бирга кастингга борган барча иштирокчиларга ширинликлар олиб келган.
.jpg)
Актёр саломатлиги билан боғлиқ кичкина муаммога дуч келса ҳам дарҳол опасига қўнғироқ қилади. Рами укаси билан дўст, улар тез-тез учрашиб, бирга вақт ўтказишади.
Рами ва Сами мактабга боришдан олдин фақат араб тилида гаплашишган ва биринчи синфда инглиз тилини ўрганишни бошлаган. Ҳозирги кунда Рами Малек инглиз тилида равон гапиради, бироқ у барибир араб тилида яхшироқ сўзлашади.
Касб танлаш масаласи
Рами Малекнинг ота-онаси ўз фарзандларининг таълим олишига катта эътибор берди. Улар катта ўғлини адвокат ёки шифокор сифатида кўрмоқчи бўлди. Рами болалигида актёр бўлишни орзу қилган.
Рами яқинларининг норозилигига қарамай, Эвансвил университетига қарашли коллежга ўқишга кирди, у ерда тасвирий санъатни ўрганди. Актёр бўлиш, талабалар театри спектаклларида қатнашиш орзуси уни тарк этмади. Ўғллари саҳнада рол ижро этганини кўрган ота-она ўз танловидан воз кечди. Рами Малек 2003 йилда тасвирий санъат соҳаси бўйича бакалавр даражасини олди.
Рами Малек иштирокидаги энг яхши фильмлар
Кўпгина актёрлар сингари Рами Малек ҳам кичик сериалларда эпизодик, фильмларда кичик ролларни ижро этди. Биринчи эътиборга молик роли “Музейдаги тун-2” комедиясида фиръавн образи эди.
Шундан кейин актёрга омад кулиб боқди. 2010 йилда Рами Стивен Спилберг томонидан суратга олинган “Тинч океани” драматик ҳарбий мини-сериалида асосий роллардан бирини ўйнади. Кадр ортидаги овозни ўқиган Том Хенкс ёш актёрнинг ижодидан шунчалик ҳайратда қолганки, у Малекни ўзининг продюсерлик проекти “Ларри Краун”га таклиф қилган, ушбу лойиҳада бош ролни Жулия Робертс ижро этган.
Режиссёр Сем Эсмейл “Жаноб робот” номли муаллифлик сериали учун бош рол ижрочисини қидираётганида унинг рафиқаси, актриса Эмми Россум турмуш ўртоғининг эътиборини “Тинч океани” фильмида суратга тушган актёр Рамига қаратди.
Шундан кейин Рами Малек дунёни ўзгартиришга қарор қилган социопатик хакер Эллиот Алдерсон ролини ижро этди. Тўрт мавсум давомида актёр ўз истеъдодининг деярли барча қирралари ва кўламини намойиш этиш имкониятига эга бўлди. Эллиот роли учун Рами бир нечта “Эмми” мукофотларига сазовор бўлган, шунингдек, “Драматик сериалдаги энг яхши актёр” номинациясида “Олтин глобус” мукофотига уч марта номзод бўлган.
Сериал билан параллел равишда Рами Малек фильмларда ҳам суратга тушган. Дастлаб актёр ўша даврнинг энг кўзга кўринган лойиҳаларидан бири бу “Капалак” драмасининг ремейкида, кейинчалик “Богемача расподия” лойиҳасида суратга тушди.
“Лўлилар қўшиғи” (“Богемская рапсодия”)
Актёр “Лўлилар қўшиғи” (“Богемская рапсодия”) лойиҳасида суратга тушиш таклифини қабул қилди ва масъулият юкидан қўрқмади. Одатда, биографик фильм устида ишлашда бўлгани каби, актёр бир мунча вақт ҳақиқий ҳаётда қаҳрамонига айланиши керак эди. Рами Фредди Меркьюри билан топилган ҳар бир видео ва интервьюларни томоша қилди. У пианино сабоқларини олди ва мусиқачининг ҳаракатига тақлид қилиш учун хореограф билан ишлади ва ҳатто Фредди Меркьюрининг ўзига хос тишларини тақлид қиладиган протез билан ухлаб қолди.
Меҳнатлар ўз самарасини берди. Рами 2019 йилги мукофотлар мавсумида “Лўлилар қўшиғи” фильмидаги роли учун мукофотланди. Лойиҳа эса кино тарихидаги энг юқори даромад келтирувчи мусиқий фильм бўлиб, уни ишлаб чиқаришга сарфланган маблағдан 20 баробар кўп даромад келтирди.
Рол танлаш
Рами Малек ролларни эҳтиёткорлик билан танлайди. У комедик ролларни ижро этишни ёқтирмайди, драмани афзал кўради, ремейклардан қочади, бироқ бундан истисно равишда актёр ўзини “Капалак” лойиҳасида синаб кўрди.
У кинодаги фаолиятининг бошида “24” сериалида террорчи ролини ўйнади ва шундан кейин “араб = террорист” штампидан фойдаланадиган ҳар қандай роллардан воз кечди.
Актёр айнан шу нарсани “Бонд” фильми продюсерларига айтди, улар Рамига “Ўлим вақти эмас” фильмида Жеймс Бонднинг антагонистини ўйнаш таклифи билан мурожаат қилди. Рами Малек бу ролни ўйнади, чунки унга ёвуз одам образини бутунлай бошқача талқин қилиш таклиф қилинди: актёр Люцифер Сафин исмли оддий рус манякининг образини гавдалантирди.
Рами Малекнинг шахсий ҳаёти
Рами Малек шахсий ҳаёти ҳақида гапирмайди. Акёрнинг сўзларига кўра, у ўзи билан бир коллежда ўқиган Кирстен Данстни севиб қолгани маълум.
“Жаноб робот” фильмининг суратга олиш жараёнида Рами сериалдаги партнёри, актриса Порша Даблдей билан учрашди. Жуфтлик 2017 йилда, “Лўлилар қўшиғи” фильмининг устида иш бошланганида ажралишди ва Рами Малек Фредди Меркьюрининг севгилиси ва кейинчалик энг яқин дўстига айланган Мери Остин ролини ўйнаган Люси Бойнтон билан учраша бошлади.
Улар тадбирларда бирга кўриниш берди, бироқ муносабатлари ҳақида изоҳ беришмади. Палм-Спрингс кинофестивалида Фредди Меркьюри ролини ажойиб ижро этган акёр мукофот олганидан сўнг, Люси Бойнтонга бўлган севгисини тан олди. Шундан кейин ҳеч нарса ўзгармади: Рами Малек ва ўзидан 13 ёш кичик севгилиси турли тадбирларда ҳам, сайр қилишда ҳам бирга кўришади.
Услуб рамзи
Рами Малекни стилистлар ва мода журналистлари яхши кўради. Мода йўналишидаги матбуот актёрни “Жаноб мукаммал” деб атайди. У 2020 йилда Saint Laurent бренди баҳор-ёз коллекциясининг юзига айланди. Бундан ташқари, у нима кийишидан қатъий назар, ҳар доим ўта замонавий кўринади.
Изоҳ (0)