Xalq demokratik partiyasidan Ulug‘bek Inoyatov nomzodi prezidentlikka nomzod sifatida partiyaning Qurultoyida ko‘rib chiqish uchun maʼqullandi, deb xabar beradi O‘zA.
Ma’lum qilinishicha, 12-may kuni O‘zbekiston Xalq demokratik partiyasi Markaziy kengashining navbatdan tashqari plenumi bo‘lib o‘tdi.
Plenumda 2023-yil 9-iyul kuni o‘tkazilishi belgilangan O‘zbekiston prezidenti saylovida O‘zbekiston Xalq demokratik partiyasining ishtiroki to‘g‘risida masala muhokama etilgan.
O‘zbekiston prezidentligiga partiya elektorati, tarafdor va faollari tomonidan tavsiya etilgan Ulug‘bek Inoyatov nomzodi partiyaning Qurultoyida ko‘rib chiqish uchun maʼqullangan.
11-may kuni O‘zbekiston Ekologik partiyasi markaziy kengashining navbatdan tashqari plenumida partiya markaziy kengashi ijroiya qo‘mitasi raisi Abdushukur Hamzayevni O‘zbekiston prezidenti lavozimiga nomzod etib ko‘rsatish bo‘yicha qaror qabul qilingandi.
Izoh (0)