Poytaxtimizda o‘zbek avtomobil biznesi olamidagi muhim voqea – tez orada O‘zbekistonda EXEED avtomobilini yig‘uvchi zavodning ochilishi kutilayotgani va EXEED markali premial avtomobilining taqdimotiga bag‘ishlangan matbuot anjumani bo‘lib o‘tdi.
EXEED — Yevropa avtomobilsozlik madaniyatining ko‘p asrlik an’analarini zamonaviy ishlab chiqarish texnologiyalari bilan birlashtirgan premium toifasiga oid yangi brend hisoblanadi.
Asaka Motors International kompaniyasi EXEED avtomobil brendining O‘zbekistondagi rasmiy distribyutori hisoblanadi.
Matbuot anjumanida Asaka Motors International bosh direktori Akromjon To‘xtaboyev, tijorat direktori Saidjon Tursunov, sotuvdan keyingi xizmatlarni ko‘rsatish direktori Timur Irgashev, EXEED brendining O‘zbekistondagi brend menejeri Yelena Visherova hamda EXEED International vakili Louson Xan ishtirok etishdi.
Asaka Motors vakillarining ta’kidlashicha, EXEED avtomobillarini yangi bozorga yetkazib berish yaqin vaqt ichida boshlanadi. Xaridorlarga LX, TXL krossoverlari va VX flagman modeli taklif etiladi.
E’tiborli jihati, EXEED avtomobillari uchun 7 yil yoki 200 000 kilometr kafolat beriladi. Bu O‘zbekiston bozoridagi eng katta kafolat muddatlaridan biri hisoblanadi.
Asaka Motors va EXEED vakillari anjuman qatnashchilariga hamkorlikning strategik istiqbollari, butun O‘zbekiston bo‘ylab dillerlik tarmog‘ini kengaytirish haqida gapirib berishdi va sotuvlar boshlanish sanasini ochiqlashdi. Yaqin kunlarda Toshkentda EXEED Rohat va EXEED Tashkent City avtosalonlarining tantanali ochilishi rejalashtirilganligini maʼlum qilishdi.
“Biz EXEED ning O‘zbekiston bozoridagi istiqbollarini ijobiy baholaymiz. – dedi Asaka Motors kompaniyasi tijorat direktori Saidjon Tursunov o‘z nutqida. – EXEED premium avtomobil brendi hisoblanib, mahsulotlari Yevropa avtomobil ishlab chiqarishining eng yaxshi anʼanalari asosida yaratilgan, avtomobilsozlik sanoatining so‘nggi zamonaviy texnologiyalaridan foydalanadi. Biz tushunamizki, zamonaviy dunyoda ko‘p odamlar uchun mashina nafaqat transport vositasi, balki ish va hayoti davomida zarur vazifalarni bajarish uchun mo‘ljallangan muhim vositaga aylangan. Shuning uchun EXEED avtomobillarini ishlab chiquvchilari va dizaynerlari avtomobilning xavfsizligi va ishonchliligi ustida ko‘p ishladilar. Ushbu avtomobillar haydash tajribangizni oshiradi, u imkon qadar qulay va xavfsizlikni kafolatlaydigan keng ko‘lamli aqlli tizimlar va texnik-ko‘makchilar bilan jihozlangan”.
Tadbirda, shuningdek, tez kunlarda Sirdaryo viloyatida ham EXEED avtomobil yig‘ish zavodi ochilishi maʼlum qilindi. Yangi zavod mintaqadagi eng zamonaviy avtomobil ishlab chiqarish obyektlaridan biri bo‘lib, ilg‘or texnologiyalar va zamonaviy uskunalardan foydalangan holda EXEED avtomobillarini yig‘adi, eng yuqori sifat va xavfsizlik standartlariga muvofiqligini taʼminlaydi. O‘zbekistonda EXEED zavodining ochilishi mintaqada avtomobilsozlik sanoatini keskin rivojlantirish, yangi ish o‘rinlarini yaratish va iqtisodiy o‘sishni yuksaltirishga xizmat qiladi.
"EXEED avtomobil yig‘ish zavodining ochilishi nafaqat kompaniyamiz rivojlanishidagi yangi bosqich, balki O‘zbekiston bilan uzoq muddatli va o‘zaro manfaatli hamkorlikka tayyorligimizning dalilidir. Ishonchimiz komilki, bizning loyihamiz mamlakatlarimiz o‘rtasidagi iqtisodiy aloqalarni mustahkamlashga yordam beradi va mintaqada avtomobilsozlik sanoatini rivojlantirishga katta hissa qo‘shadi”, – dedi Chery International EXEED Uzbekistan savdo bo‘yicha direktori Louson Xan.
Kompaniya vakillarining ta’kidlashicha, avtomobillarini ishlab chiqishda BMW, Jaguar Land Rover va boshqa Yevropa avtomobil konsernlarining dizaynerlari va muhandislari ishtirok etadi, barcha ishlab chiqarish maydonchalarida bir xil ishlab chiqarish jarayonlari va sifat nazoratining eng yuqori darajasi ta’minlanadi. Kompaniya ehtiyot qismlar ishlab chiqarish bo'yicha dunyoga mashhur kompaniyalar, jumladan Intel, Baidu, Bosch, Magna, Benteler kabi Fortune 500 ro‘yxatidan joy olgan kompaniyalar bilan hamkorlik aloqalarini o‘rnatgan.
Kompaniya vakillarining ta’kidlashicha, EXEED O‘zbekiston bozoriga yuqori darajali dizayn, sun'iy intellektdan foydalanishga asoslangan ilg'or texnologiyalar, yuqori sifat va servisni birlashtirgan avtomobillarni olib chiqadi. Natijada EXEED O‘zbekistonda faoliyat olib boruvchi boshqa kompaniyalar bilan munosib raqobat qila oladi va avtomobil bozorida o‘z o‘rnini egallaydi.
Reklama huquqi asosida.
Izoh (0)