Buyuk Britaniya Ukrainaga Storm Shadow nomli uzoq masofaga uchadigan qanotli raketalarni yetkazib berdi, deb xabar qilmoqda CNN o‘z manbalariga tayanib.
Mazkur raketaning uchish masofasi 250 km dan oshadi, bu Kiyev Vashingtondan so‘ragan ATACMS raketa komplekslari ko‘rsatkichlaridan biroz kamroq.
“Muhim jihati, Storm Shadow Rossiya nazoratidagi hududga zarba berish uchun yetarli imkoniyatga ega”, deb yozadi CNN.
Biroq Buyuk Britaniya ushbu raketalarni Ukrainaga faqat “Ukrainaning suveren hududida” qo‘llanilishi sharti bilan berganini ta’kidlaydi. AQSH armiyasining yuqori martabali amaldori CNN telekanaliga bergan intervyusida Storm Shadow raketalari “o‘yin shartlarini o‘zgartira oladi”.
Uning so‘zlariga ko‘ra, Kiyevga “urush boshidanoq o‘zi so‘ragan imkoniyatlar taqdim etilmoqda”, — deyiladi telekanal xabarida. Ularning o‘q otish masofasi G‘arb tomonidan Ukrainaga ilgari yetkazilgan boshqa barcha zarba berish tizimlarining masofasidan uch baravar ko‘p.
Izoh (0)