Буюк Британия Украинага Storm Shadow номли узоқ масофага учадиган қанотли ракеталарни етказиб берди

Буюк Британия Украинага Storm Shadow номли узоқ масофага учадиган қанотли ракеталарни етказиб берди, деб хабар қилмоқда CNN ўз манбаларига таяниб.

Мазкур ракетанинг учиш масофаси 250 км дан ошади, бу Киев Вашингтондан сўраган ATACMS ракета комплекслари кўрсаткичларидан бир оз камроқ.

“Муҳим жиҳати, Storm Shadow Россия назоратидаги ҳудудга зарба бериш учун етарли имкониятга эга”, деб ёзади CNN.

Бироқ Буюк Британия ушбу ракеталарни Украинага фақат “Украинанинг суверен ҳудудида” қўлланилиши шарти билан берганини таъкидлайди. АҚШ армиясининг юқори мартабали амалдори CNN телеканалига берган интервьюсида Storm Shadow ракеталари “ўйин шартларини ўзгартира олади”.

Унинг сўзларига кўра, Киевга “уруш бошиданоқ ўзи сўраган имкониятлар тақдим этилмоқда”, — дейилади телеканал хабарида. Уларнинг ўқ отиш масофаси Ғарб томонидан Украинага илгари етказилган бошқа барча зарба бериш тизимларининг масофасидан уч баравар кўп.