“Daryo” nashrida “Biletlar qo‘lga chiqib ketadi”. Viloyatlarga qatnovchi poyezdlar chiptalarini yashirin sotish holatlari ko‘pligi aytilmoqda” nomli material eʼlon qilingan edi. Unda Facebook foydalanuvchilari tomonidan O‘zbekiston temiryo‘l kassalaridan chipta sotib olishda muammolar yuzaga kelayotgani, reyslar soni kamligi va poyezdlarning oraliq intervali uzunligi yuzasidan bildirilgan fikrlari jamlangan.
Faollarning so‘zlariga ko‘ra, ko‘pchilik o‘zi istagan vaqtga poyezdlarga chipta topa olmaydi. Doim chipta tamom bo‘lgani yoki yetishmasligi muammosi bo‘ladi.
“Kassirga borib, ustiga qo‘shib bersangiz, darrov topib beradi. Familiya-ism yozmaydi. Bron qilib, oldirib qo‘yadi. Begona so‘rasa, bilet yo‘q. Tanish-bilishlarga ustini olib beradi. Yaqinda ishim tushib bildim. To‘rtta bilet olib berdi tanishim”, — deyiladi maqolada.
“O‘ztemiryo‘lyo‘lovchi” AJ axborot xizmati mazkur materialga munosabat bildirdi. Unda temiryo‘l transportidan foydalanishda yo‘lovchilar jo‘nash muddatidan 1 oy va undan ham oldinroq chiptalarni xarid qilishayotgani, shu bois bayramlar arafasida chiptalar yetishmasligi ko‘pchilikda noto‘g‘ri tushuncha uyg‘otayotgani aytilgan.
“Bugungi kunda poyezd chiptalarini chayqovchilar umuman olib sotolmaydi. Chunki chiptalar yo‘lovchiga shaxsini tasdiqlovchi hujjati asosida yozib beriladi va temiryo‘l vokzallariga kirishda yo‘lovchilarning chiptalari zamonaviy uskunalar bilan tekshiriladi”, — deyiladi “O‘ztemiryo‘lyo‘lovchi” AJ munosabatida.
Ammo “O‘ztemiryo‘lyo‘lovchi” jamiyati “Daryo” nashrida ko‘tarilgan asosiy masala — chiptalarni kassirlar tomonidan band qilib qo‘yilishi va qanchadir haq evaziga yoki tanishlar orqali chipta “topilib qolishi” yuzasidan bildirilgan fikrlarga javob bermagan.
Izoh (1)
Брон деган нарсани олиб ташлаш кере кассалардан. А то умуман билет олиб булмейди через онлайн. Или онлайнни учириш кере раз так буладиган булса. Канча жойлар буш кетади итак. Зарарку темир йулни узига йуловчисиз кетса. Кассирни чунтагини уйласа Темир йул тушум тушиб кетаверади.