Toshkentning Shayxontohur tumanida 6 ming litr etil spirti sotayotgan shaxs ushlandi.
Bosh prokuratura huzuridagi departamentning Shayxontohur tuman bo‘limi tomonidan o‘tkazilgan tezkor tadbirda fuqaro B.O. “K.S.” MCHJga tegishli 6 ming litr etil spirtini ushbu korxonada norasmiy ishlab kelgan S.I.dan jami 153 million so‘mga sotib olishga kelishib, ushbu spirt mahsulotini boshqa bir fuqaro F.M.ga 13 700 dollarga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)