Berlinda O‘zbekiston Madaniyat va sanʼatni rivojlantirish jamg‘armasi tomonidan “O‘zbekistonning arxeologik xazinalari. Makedoniyalik Iskandardan to Kushonlar sulolasigacha” nomli yangi ko‘rgazma taqdim etildi. Bu haqda Saida Mirziyoyeva o‘z sahifasida maʼlum qildi.
Unga ko‘ra, ko‘rgazmada O‘zbekistondagi 9 ta muzeydan 285 ta noyob muzey kolleksiyalaridan iborat buyumlar taqdim etildi. Ushbu ko‘rgazma tashrif buyuruvchilarga mamlakat tarixi haqida ko‘proq bilish uchun imkoniyat taqdim etadi.
“Ko‘rgazmaning yaratilishiga hissa qo‘shgan barcha tashkilotchilar, kuratorlar va muzey xodimlariga o‘z minnatdorchiligimni bildirmoqchiman. Ular O‘zbekiston va Germaniya o‘rtasidagi madaniy aloqalar va o‘zaro anglashuvni mustahkamlashga yordam beradi”, — deydi Saida Mirziyoyeva.
Izoh (0)