O‘zbekiston Ozarbayjon bilan hamkorlikda lift ishlab chiqarish korxonasini quradi

O‘zbekiston Ozarbayjon bilan hamkorlikda liftlarni ishlab chiqarish korxonasini qurishni rejalashtirmoqda. Bu haqda shahar hokimligi axborot xizmati xabar berdi.

Xabarga ko‘ra, Toshkent shahar Investitsiyalar, sanoat va savdo boshqarmasi boshlig‘ining birinchi o‘rinbosari Azizxon Shavkatov Ozarbayjondan tashrif buyurgan O‘zbekistonning Ozarbayjondagi Savdo uyi hamda “Aki Inter Group UK Ltd” kompaniyasining rahbariyati bilan uchrashdi.

Kompaniya bosh direktori va asoschisi Azizxon Jalilov uchrashuv uchun minnatdorlik bildirib, qator takliflari borligini bildirdi. Taraflar qurilish, O‘zbekistonda liftlarni ishlab chiqarish korxonasini qurish, axborot texnologiyalari va kiberxavfsizlik sohalarida o‘zaro hamkorlik istiqbollarini muhokama qilganidan so‘ng, mehmonlar poytaxt hokimligi huzurida tashkil qilingan Vaziyatlar markazining faoliyati va imkoniyatlari bilan tanishdi.

Uchrashuv yakunida amaliy muloqotlar davom etishiga kelishib olindi.