Qoraqalpog‘istonning Nukus shahrida olib qochilgan Trailblazer ag‘darilgan holda topildi. Bu haqda IIV Tergov departamenti xabar berdi.
Ma’lum qilinishicha, 1-may kuni soat 01:40 larda noma’lum shaxs Nukus shahri G‘ayri nag‘is ko‘chasida joylashgan 39 yoshli X.R.ga tegishli qurilishi tugallanmagan uy garaji oynasini sindirib, g‘ayriqonuniy tarzda kirib, eshiklari qulflanmagan va kaliti o‘t oldirish joyida qoldirgan Trailblazer’ni noma’lum tomonga olib qochgani aniqlangan
Olib borilgan tezkor-qidiruv ishlar natijasida mashina Nukus tumanidagi yo‘l chetidagi daraxtga urilib, ag‘darilgan holda topilgan.
Hodisa sodir bo‘lgan joyida avtomashinada bo‘lgan noma’lum shaxs qo‘lga olinib, shaxsiga aniqlik kiritilganda muqaddam sudlangan 31 yoshli M.A. ekani va u o‘ta mast holdaligi aniqlangan.
Holat yuzasidan Nukus shahar IIO FMB huzuridagi Tergov bo‘limi tomonidan M.A.ga nisbatan Jinoyat kodeksning 267-moddasi 2-qismi “g” bandi (transport vositasini olib qochish) bilan jinoyat ishi qo‘zg‘atilib, unga nisbatan qamoqqa olish tarzdagi ehtiyot chorasi qo‘llanilgan. Tergov harakatlari olib borilmoqda.
Jinoyat kodeksi normalariga ko‘ra, bunday turdagi jinoyatni sodir etgan shaxs 5 yildan 10 yilgacha ozodlikdan mahrum qilish bilan jazolanishi mumkin.
Izoh (0)