Surxondaryo viloyati Termiz shahrida ikki ming dollar evaziga fuqarolarni Amerikaga ishga yuborishini aytgan shaxs ushlandi. Bu haqda viloyat IIB axborot xizmati xabar berdi.
Xabarga ko‘ra, Termiz shahrida yashovchi S.M. viloyat hududida vaqtincha ishsiz bo‘lgan fuqarolar bilan tanishib, ularning ishonchiga kirgan. U 2000 dollar evaziga o‘zining elchixonada ishlaydigan tanishlari orqali AQSHga ishga yuborish uchun viza to‘g‘rilab berishini aytgan. Shu yo‘l orqali firibgarlik qilib, fuqarolardan pul olib yurgan.
Boysun tumanida yashovchi fuqaro una 15 million so‘m, 700 dollar bergan. S.M. undan yana 500 dollar talab qilgan. Shundan so‘ng fuqaro IIBga murojaat qilgan. S.M. mazkur fuqarodan 500 dollariga hisoblab, 5 million 700 ming so‘m olayotgan vaqtda Surxondaryo viloyati IIB Tezkor qidiruv xizmati Jinoyat qidiruv boshqarmasi Uyushgan jinoyatchilikka qarshi kurashish bo‘limi Odam savdosiga qarshi kurashish bo‘linmasi xodimlari tomonidan tezkor tadbir davomida qo‘lga olindi.
Izoh (0)