Vades Group MCHJ rahbari Igor Li O‘zbekiston—Germaniya ishbilarmonlari uchrashuvi doirasida erishilgan natijalarga to‘xtaldi. Bu haqda “Daryo” muxbiri xabar berdi.
Uning ta’kidlashicha, mas’uliyati cheklangan jamiyati 3-may kungi uchrashuvda Infineon kompaniyasi bilan mikroprotsessorli bank to‘lov kartalarini ishlab chiqarish bo‘yicha memorandum imzolagan.
“Shuningdek, ID kartalar, biometrik pasport muqovalari, haydovchilik guvohnomalari, kadastr kartalari va boshqa davlat hujjatlari ishlab chiqarish bo‘yicha hamkorlikni rivojlantirish niyatidamiz. Elektron hujjatlar ishlab chiqarish bo‘yicha harakatlar kengayib boradi”, — deydi mutaxassis.
Qayd etilishicha, Infineon kompaniyasi mikrochiplar ishlab chiqarish bo‘yicha dunyodagi yetakchi kompaniyalardan biri hisoblanadi. Ular O‘zbekistondagi kompaniyani o‘z maslahatlari bilan qo‘llab turadi, shuningdek, texnologiyalar taqdim qilish bo‘yicha yordam berib boriladi.
Izoh (0)