Berlin — Germaniya poytaxti va mamlakatning eng yirik shahridir. Shahar Shpre daryosi Xafel daryosiga quyiladigan yerda, Shimoliy va Boltiq dengizlariga chiqiladigan kanallar bo‘yida joylashgan. Maydoni 891,7 km kvadrat bo‘lgan shaharning g‘arbi va sharqida ko‘llar talaygina.
Berlin tarixi haqida so‘z yuritganda aytish mumkinki, 1989-yil 9-noyabrdagi siyosiy o‘zgarishlar tufayli Berlin devori olib tashlangandan so‘ng GFR va GDR qo‘shilishi haqida maxsus shartnoma imzolandi va u 1990-yil 3-oktabrdan kuchga kirdi. Birlashgan Germaniyaning federal poytaxti Bonn shahridan Berlinga o‘tdi.
Berlin poytaxt bo‘lgach, aholisining soni chetdan ko‘chib kelganlar hisobiga tez o‘sdi, shahar chegarasi ham kengaydi. 2020-yilgi maʼlumotlarga ko‘ra, ushbu shahar aholisi 3 664 088 nafarni tashkil etadi.
Berlin faqat Germaniyaning iqtisodiy markazi bo‘libgina qolmay, balki Yevropaning yirik sanoat markazlaridan biridir. Berlinda yirik bank va kredit muassasalari joylashgan. Berlinda mamlakatning eng yirik transport yo‘llari, bir necha vokzal va aeroportlar bor.
Ayni vaqtda Berlinda bo‘lib turgan “Daryo” fotomuxbiri shaharning diqqatga sazovor maskanlari va ko‘chalaridan fotoreportaj taqdim etadi.
Izoh (0)