Checheniston rahbari Ramzan Qodirov mazlum xalqlarni himoya qiluvchi armiya yaratmoqchi ekanini aytdi. Bu haqda “RIA Novosti” xabar berdi.
Qodirovning so‘zlariga ko‘ra, mazkur armiya xalqlarni “o‘zini demokratik deb ataydigan” davlatlardan himoya qiladi.
“So‘nggi paytlarda men yaxshi armiya yaratish haqida ko‘p o‘ylayapman, ular turli davlatlarda faoliyat olib boradi va o‘zini eng demokratik deb atagan davlatlar tajovuz qilayotgan xalqlarni himoya qiladi”, — dedi Qodirov.
Checheniston rahbari turli davlatlardan kelgan odamlardan iborat “maxsus tayyorlangan” jamoa bo‘lishini xohlaydi, armiya “bir tiyin uchun emas, balki tartib uchun” jonini berishga tayyor bo‘lgan vatanparvarlardan iborat bo‘lishi kerak".
“Bu juda qiyin yo‘l, lekin biz bunga intilamiz va olg‘a boramiz”, — deya qo‘shimcha qilgan u.
Fevral oyida Qodirov davlat xizmatidagi faoliyatini tugatgandan keyin xususiy harbiy kompaniya tashkil etish rejalari haqida gapirgandi. O‘shanda u ushbu loyiha muvaffaqiyatli amalga oshirilishiga ishonch bildirgan.
Izoh (0)