Brandэнбург дарвозалари, Рейхстаг томидаги аҳоли, сокин ва бир вақтнинг ўзида шовқинли Берлиндан фоторепортаж

Берлин — Германия пойтахти ва мамлакатнинг энг йирик шаҳридир. Шаҳар Шпре дарёси Хафел дарёсига қуйиладиган ерда, Шимолий ва Болтиқ денгизларига чиқиладиган каналлар бўйида жойлашган. Майдони 891,7 км квадрат бўлган шаҳарнинг ғарби ва шарқида кўллар талайгина.

Берлин тарихи ҳақида сўз юритганда айтиш мумкинки, 1989 йил 9 ноябрдаги сиёсий ўзгаришлар туфайли Берлин девори олиб ташлангандан сўнг ГФР ва ГДР қўшилиши ҳақида махсус шартнома имзоланди ва у 1990 йил 3 октябрдан кучга кирди. Бирлашган Германиянинг федерал пойтахти Бонн шаҳридан Берлинга ўтди.

Берлин пойтахт бўлгач, аҳолисининг сони четдан кўчиб келганлар ҳисобига тез ўсди, шаҳар чегараси ҳам кенгайди. 2020 йилги маълумотларга кўра, ушбу шаҳар аҳолиси 3 664 088 нафарни ташкил этади.

Берлин фақат Германиянинг иқтисодий маркази бўлибгина қолмай, балки Европанинг йирик саноат марказларидан биридир. Берлинда йирик банк ва кредит муассасалари жойлашган. Берлинда мамлакатнинг энг йирик транспорт йўллари, бир неча вокзал ва аэропортлар бор.

Айни вақтда Берлинда бўлиб турган “Дарё” фотомухбири шаҳарнинг диққатга сазовор масканлари ва кўчаларидан фоторепортаж тақдим этади.