O‘zbekistonning Guanchjou shahridagi Bosh konsulligi diplomatlari “Yuqori sifatli rivojlanish va oziq-ovqat, meva-sabzavotlar importi” mavzusiga bag‘ishlangan taqdimotda ishtirok etdi.
Tadbirda Guandun provinsiyasi mutasaddilari, shuningdek, Tijorat vazirligi, Xitoy xalqaro savdoni rag‘batlantirish markazi hududiy departamenti, “Guangdong (China) Imported Food Association” rahbariyati, shuningdek, 100 dan ortiq mahalliy importyor va savdo tarmoqlari vakillari qatnashdi.
Xitoy vakillari O‘zbekistonda biznes vakillari uchun yaratilgan imkoniyatlar bilan tanishdi. Shuningdek, o‘zbek tadbirkorlari tomonidan ishlab chiqarilayotgan yuqori sifatli, ekologik toza mahsulotlarni Janubiy Xitoy provinsiyalari bozoriga yetkazib berish takliflari bildirildi.
Shuni ta’kidlab o‘tish kerakki, joriy yilning 21—23-sentabr kunlari Guanchjou shahrida o‘tkazilishi rejalashtirilgan “Food2China Expo and the Guangzhou International Food & Ingrediyent Fair” ko‘rgazmasida o‘zbek ishlab chiqaruvchi va eksportyorlari ham taklif qilindi.
Ushbu ko‘rgazmada ishtirok etish O‘zbekiston qayta ishlangan qishloq xo‘jaligi mahsulotlarini 300 million kishilik Janubiy Xitoy hududiga eksporti hajmini oshirish, yangi importyor hamkorlar topish va eksport shartnomalari imzolash imkonini beradi.
Izoh (0)