O‘zbekistonda yil boshidan beri qariyb 150 ming xotin-qizlar ish bilan ta’minlandi

O‘zbekistonda yil boshidan buyon 147 280 nafar ijtimoiy himoyaga muhtoj ishsiz xotin-qizlarning bandligi ta’minlandi.

20-aprel holatiga 6 ta toifa bo‘yicha “Ayollar daftari”ga kiritilgan jami 1 mln 680 nafar xotin-qizlardan 355 564 nafarining (35,5 foiz) muammolari hal etildi. 

Shuningdek, boquvchisini yo‘qotgan 66 720 nafar ijtimoiy yordamga muhtoj xotin-qizlarga moddiy yordamlar ko‘rsatildi.

Bundan tashqari:

• 77 299 nafar ijtimoiy yordamga muhtoj I va II guruh nogironligi bo‘lgan, shuningdek tezkor tibbiy muolajaga muhtoj ehtiyojmand xotin-qizlarga moddiy yordamlar ajratildi;
• uy-joyga muhtoj bo‘lgan 3 297 nafar xotin-qizlarning uy-joy sharoitlarini yaxshilash choralari ko‘rild; Ularning 3 004 nafariga turar-joy ijara to‘lovi uchun kompensatsiyalar to‘lab berildi va 293 nafari arzon uy-joylar bilan ta’minlandi.

Qaramog‘ida nogironligi bo‘lgan farzandi mavjud  46 354 nafar xotin-qizlarga moddiy yordamlar ajratildi, ularning 705 nafariga tomorqasidan samarali foydalanishiga ko‘maklashildi. Shuningdek, uy-joyi ta’mirga muhtoj 767 nafar xotin-qizlarning xonadonlari ta’mirlandi.